《任天堂LABO》货量得一成?

《任天堂LABO》货量得一成?

上回讲到《任天堂LABO》偷跑索炒,出稿后一日价钱已回番去六百几蚊,但似乎都同定价有一定距离,讲到尾物以罕为贵。不过,题外话一句,有人质疑土下座,「你唔知头唔知路唔好乱讲啦!炒价关偷跑咩事呀!」乜原来唔係做紧呢行生意嘅,反而会清楚过做紧嘅人?观乎行家最多谈论嘅,就係点解有行货都唔够货卖,传闻就话因为行版有九成货都返咗大陆,所以搞到香港得番一成唔够派,亦有指无论咩货都好,今次《任天堂LABO》都真係又重又大盒,来货价特别係水货,真係冇可能定得好平,所以有啲大户今次都冇重手返货,利润唔高又麻烦,真係卖过就算。点都好,都只係传闻,唔一定係事实,所以唔係应承咗讲多期都唔会写,下次都係轻轻鬆鬆讲番游戏啦。